သင့်ကဏ္ဍနှင့် ဘုရားကဏ္ဍ

ကျွန်ုပ်၏သူငယ်ချင်း ဂျဲနစ်သည် နှစ်အနည်းငယ်အတွင်း သူမ၏ဌာနတွင် စီမံခန့်ခွဲမှုတာဝန်ကို လက်ခံရန် သူ့အား ကမ်းလှမ်းလာသောအခါ သူမ စိုးရိမ်ပူပန်ခဲ့သည်။ ဤကိစ္စအတွက် သူမ ဆုတောင်းရာ ထိုခန့်အပ်မှုကိုလက်ခံရန် ဘုရားရှင် နှိုးဆော်သည်ဟု ခံစားရသော်လည်း တာဝန်ကို နိုင်နိုင်နင်းနင်းလုပ်နိုင်ပါ့မလားဟု စိုးကြောက်ခဲ့သည်။ “အတွေ့အကြုံနည်းနည်းလေးနဲ့ ကျွန်မဘယ်လိုဦးဆောင်နိုင်မှာလဲ။ ကျွန်မမလုပ်နိုင်ဘူးဆိုရင် ကျွန်မကိုဘာလို့ ဒီရာထူးပေးရတာလဲ”ဟု ဘုရားကိုမေးခဲ့သည်။

နောက်ပိုင်းတွင် ဂျဲနစ်သည် ကမ္ဘာဦးကျမ်း ၁၂ တွင် အာဗြံအား ဘုရားသခင် စေခိုင်းခြင်းအကြောင်းကို ဖတ်ရပြီး အာဗြံလုပ်ဆောင်ရမည့်အပိုင်းသည် ဘုရားသခင် ပြလတံ့သောပြည်သို့ မိန့်တော်မူသည်အတိုင်း၊ သွားရန်ဖြစ်ပြီး အာဗြံသွားခဲ့သည် (:၁၊ ၄)။ ၎င်းသည် အရေးကြီးသောအရွှေ့ဖြစ်သည်။ အဘယ့်ကြောင့် ဆိုသော် ရှေးခေတ်က မည်သူမျှ မိမိ‌နေရင်းပြည်ကို စွန့်၍ သွားလေ့မရှိပါ။ သို့သော် ဘုရားသခင်သည် အာဗြံအား သူအကျွမ်းဝင်သည့်အရာမှန်သမျှကို ချန်ရစ်ခဲ့ပြီး သူ့ကိုသာယုံကြည်ရန်နှင့် ကျန်အမှုအရာကို သူလုပ်ဆောင်မည်ဖြစ်ကြောင်း…

ထွက်ပြေးပါ

ရိုးရာဂျပန်လူမျိုးတို့၏ ကိုယ်ခံပညာရပ် ‘aikido’ (အိုက်ကီဒို) သင်တန်းအစသည် အံ့ဩဖွယ်ရာ အမြင်ပွင့်စေသည်။ ‘စန်စေ’ သို့မဟုတ် ဆရာက တိုက်ခိုက်သူနှင့် ရင်ဆိုင်ရချိန်တွင် ပထမဦးဆုံးတုံ့ပြန်မှုမှာ “ထွက်ပြေးရန်” ဖြစ်သည်ဟုဆိုသည်။ “မပြေးနိုင်မှသာ တိုက်ခိုက်ပါ” ဟု သူက အလေးအနက် ပြောသည်။

“ထွက်ပြေးရမယ်”ဆို၍ ကျွန်တော်အံ့သြမိသည်။ အဆင့်မြင့် ကိုယ်ခံပညာ ကျွမ်းကျင်သောဆရာက မတိုက်ခိုက်ဘဲ ထွက်ပြေးရန် အဘယ့်ကြောင့်ပြောသနည်း။ ၎င်းသည် ပြန်တိုက်ခိုက်ရန်ဆိုသည့် သာမန်ရိုးရိုးအတွေးနှင့် ဆန့်ကျင်ဘက် ဖြစ်နေပုံထင်ရသည်။ ပထမအဆင့်တွင် တိုက်ခိုက်မှုကို ရှောင်ခြင်းက မိမိကိုယ်ကို ကာကွယ်ရန် အကောင်းဆုံးသော အနေအထားဖြစ်ကြောင်း ရှင်းပြမှ “ဟုတ်သားပဲ” ဟု သဘောပေါက်သွားသည်။

သခင်ယေရှုကို ဖမ်းဆီးရန် လူများစွာရောက်လာသောအခါ ပေတရုသည် ကျွန်ုပ်တို့လုပ်မည့်ပုံစံအတိုင်း သူ၏ဓားကို ဆွဲထုတ်ကာ လူတစ်ဦးကို တိုက်ခိုက်သည် (မ ၂၆:၅၁၊ ယော ၁၈:၁၀)။ သို့သော် သခင်ယေရှုက…

ကားရပ်နားကွင်းမှငြင်းခုံမှုရန်ပွဲ

ယာဉ်ရပ်နားကွင်းရှိမြင်ကွင်းသည် ကြေကွဲဖွယ်မဟုတ်လျှင် ရယ်စရာဖြစ်နိုင်သည်။ ကားတစ်စီးက အခြားကားသွားမရအောင် လမ်းကြောပိတ်နေသည့် အတွက် ကားပိုင်ရှင် ယာဉ်မောင်းနှစ်ဦးက ကျယ်လောင်စွာ ငြင်းခုံလျက် ကြမ်းတမ်းသောစကားလုံးများဖြင့် အပြန်အလှန် ပြောဆိုနေကြသည်။

မြင်ရသည်မှာ စိတ်မချမ်းသာပါ။ ပို၍နာကျင်စရာကောင်းသည်မှာ ဘုရားကျောင်း၏ကားရပ်နားရာနေရာ၌ ဤသို့စကားများရန်ဖြစ်နေခြင်း ဖြစ်သည်။ သူတို့နှစ်ဦးသည် ချစ်ခြင်းမေတ္တာ၊ သည်းခံခြင်း၊ ခွင့်လွှတ်ခြင်းအကြောင်းစသည့် တရားဒေသနာတစ်ခုခုကို ကြားနာခဲ့ရမည်ဖြစ်သော်လည်း ယခုတွင်မူ သွေးဆူလျက် ကြားခဲ့သမျှကို မေ့လျော့သွားခဲ့သည်။

၎င်းတို့ကို ဖြတ်သွားရင်း ကျွန်တော်ခေါင်းကို ခါယမ်းလိုက်မိသည်။ ပြီးမှကျွန်တော်လည်း ထူးမခြားနားဟု သိလိုက်ရသည်။ သမ္မာကျမ်းစာကို အကြိမ်ကြိမ်ဖတ်ခဲ့ပြီးမှ ကြင်နာစာနာမှုကင်းမဲ့သည့် အတွေးဖြင့် ထိမိ၍လဲစရာ အပြစ်ထဲကျခဲ့လေခြင်း။ “မှန်၌ကြည့်၍ မိမိပကတိမျက်နှာကို ... ကြည့်ပြီးမှ အခြားသို့သွား၍ မိမိအဆင်းသဏ္ဌာန်ကို ချက်ခြင်းမေ့လျော့”သူကဲ့သို့ ကျွန်တော် ဘယ်နှစ်ကြိမ် ပြုမူခဲ့မိသနည်း (ယာ ၁:၂၃-၂၄)။

ရှင်ယာကုပ်က သူ၏စာဖတ်သူများအား ဘုရားသခင်၏ညွှန်ကြားချက်ကို ဖတ်ရှုပြီး ဆင်ခြင်သုံးသပ်ရန်သာမက…

အသစ်သောအစပြုခြင်း

ဒေသအသီးသီးမှ တရုတ်လူမျိုးများ ကျင်းပလေ့ရှိသော တရုတ်နှစ်သစ်ကူးပွဲသည် တရုတ်ပြက္ခဒိန်ရက်စွဲကို ယူထားပြီး၊ ဇန်နဝါရီ နှောင်းပိုင်းနှင့် ဖေဖော်ဝါရီ အလယ်ခန့်တွင် ကျရောက်လေ့ရှိသည်။ နှစ်သစ်ကူးချိန်၌ မိသားစုဝင်များ တွေ့ဆုံခြင်းအပြင် အခြားသော အထင်ကရရိုးရာအစဥ်အလာများ ကျင်းပဆင်နွဲကြသည်။ အဝတ်အစားအသစ် ဝယ်ယူဆင်မြန်းခြင်း၊ အိမ်သန့်ရှင်းရေးပြုလုပ်ခြင်း၊ အကြွေးဟောင်းများဆပ်ခြင်းဖြင့် နှစ်ဟောင်းမှအရာများကို နှစ်ဟောင်းတွင်ထားခဲ့ပြီး နှစ်သစ်တွင် အသစ်သောအရာဖြင့် စတင်ခြင်းဖြစ်သည်။

ဤဓလေ့ထုံးစံများသည် ခရစ်တော်အားဖြင့်ရရှိသည့် ကျွန်ုပ်တို့၏ အသက်တာသစ်ကို သတိရစေသည်။ ကျွန်ုပ်တို့ဘာဘဲဖြစ်ခဲ့ဖြစ်ခဲ့၊ ဘာဘဲလုပ်ခဲ့လုပ်ခဲ့၊ အရာအားလုံးကိုထားခဲ့ကာ ဘဝသစ်ကို စတင်နိုင်ပါပြီ။ ကားတိုင်ထက် အသေခံခဲ့သော ရှင်ယေရှုအားဖြင့် ခွင့်လွှတ်ခြင်း ခံခဲ့ရပြီကိုသိလျက် အတိတ်တွင် ဖြစ်ပျက်ခဲ့သည့်အရာများအတွက် မိမိကိုယ်ကို ထိုးနှက်ခြင်း၊ အပြစ်တင်ခြင်းများကို ရပ်ပစ်နိုင်ပါပြီ။ ရှင်ယေရှုနှင့်တူလာအောင် ကျွန်ုပ်တို့ကိုနေ့စဉ်ပြုပြင်ပြောင်းလဲပေးရန် သန့်ရှင်းသောဝိညာဉ်တော်ကိုအမှီပြုနိုင်ကြောင်း သိမှတ်လျက် ဘဝသစ်ကို စတင်နိုင်ပါသည်။

ထို့ကြောင့် ရှင်ပေါလုက “ဟောင်းသောအရာတို့သည် ပြောင်းလဲ၍ ခပ်သိမ်း သောအရာတို့သည် အသစ်ဖြစ်ကြပြီ”ဟု…

အကျိုးရှိသော စောင့်ဆိုင်းခြင်း

တရားမမျှတသောအကြီးအကဲနှင့် အလုပ်ချိန်များသောအလုပ်၏ ဖိစီးမှုများကြောင့် ဂျိမ်းစ် အလုပ်ထွက်ချင်ခဲ့သည်။ သို့သော် ဇနီးသည်နှင့်ကလေးကို စောင့်ရှောက်ရမည်၊ အာမခံချေးငွေလည်း ဆပ်ရဦးမည်။ မည်သို့ပင်ဖြစ်ဖြစ် အလုပ်ထွက်ရန် သူသွေးဆောင်ခံရသည်။ သို့သော် သူ့ဇနီးက “တောင့်ခံပြီး ကျွန်မတို့ကို ဘုရားသခင် ဘာပြင်ဆင်ပေးမလဲဆိုတာကို ကြည့်ရအောင်” ဟုသတိပေးခဲ့သည်။

လများစွာကြာပြီးနောက် သူတို့ဆုတောင်းချက်များအဖြေရခဲ့သည်။ ဂျိမ်းစ် သည် သူနှစ်သက်ပြီး မိသားစုကို အချိန်ပိုပေးနိုင်သည့် အလုပ်သစ်ကို ရရှိခဲ့သည်။ “အဲ့ဒီလတွေဟာ ရှည်ကြာလွန်းတယ်။ ... ဒါပေမဲ့ သူ့အချိန်မှာ ဖွင့်ပေးတဲ့ ဘုရားရှင်ရဲ့အကြံအစည်ကို စောင့်ခဲ့ရတာ ကျွန်တော်ဝမ်းမြောက်တယ်” ဟုသူပြောပြသည်။

ဒုက္ခအလယ်၌ ဘုရားသခင်၏မစကူညီမှုကို စောင့်ဆိုင်းရန် ခက်လှပြီး မိမိ၏ ကိုယ်ပိုင်ဖြေရှင်းနည်းများကို ဦးစားပေးရှာရန် သွေးဆောင်ခံရနိုင်သည်။ ဣသရေလလူမျိုးများသည် ထိုသို့ပြုခဲ့သည်။ ရန်သူ၏ခြိမ်းခြောက်မှုအောက်တွင် ဘုရားသခင်ထံ လှည့်ပြန်မည့်အစား အီဂျစ်ပြည်မှ အကူအညီရှာခဲ့သည် (ဟေရှာ ၃၀:၂)။ သို့သော် သူတို့နောင်တရပြီး သူ့ကိုယုံကြည်ကိုးစားလျှင်…

သဘောတူလက်ခံသည်

ကလေးတစ်ဉီးအနေနှင့် ထဲနီ သည် စိတ်ပိုင်းဆိုင်ရာ မလုံခြုံမှုကို ခံစားရသည်။ သူ့အဖေ၏လက်ခံမှုကို တောင်းခံသော်လည်း တစ်ခါမှ မရရှိခဲ့ပါ။ ကျောင်း၌ ဖြစ်စေ၊ အိမ်၌ဖြစ်စေ သူလုပ်ဆောင်သမျှက စိတ်တိုင်းမကျစရာ ဖြစ်နေပုံပေါ် နေသည်။ အရွယ်ရောက်လာသည့်တိုင် စိတ်မလုံခြုံမှုက ရှိနေဆဲဖြစ်သည်။ ငါကောင်းကောင်းမလုပ်နိုင်ဘူးလားဟု သူအမြဲ စဉ်းစားနေမိသည်။

ထဲနီသည် ရှင်ယေရှုကို သူ၏ကယ်တင်ပိုင်ရှင်အဖြစ် ယုံကြည်ခဲ့ချိန်တွင်မှ ကြာမြင့်စွာ သူတောင့်တခဲ့သည့် စိတ်လုံခြုံမှုနှင့် သူ့အားလက်ခံမှုကို သူတွေ့ရှိခဲ့သည်။ ဘုရားရှင်သည် သူ့ကိုဖန်ဆင်းပြီး သူ၏သားသမီးကဲ့သို့ သူ့ကိုချစ်မြတ်နိုးကြောင်း သူသိခဲ့ရပြီး နောက်ဆုံးတွင် သူသည် အမှန်တန်ဖိုးထား နှစ်သက်ခံရကြောင်း ယုံကြည်မှုရှိရှိဖြင့် နေထိုင်သွားနိုင်တော့သည်။

ဟေရှာယအနာဂတ္တိကျမ်း ၄၃:၁-၄ တွင် ဘုရားသခင်က သူရွေးကောက်သော လူမျိုးတော်အား သူတို့ကို ဖန်ဆင်းပြုပြင်လျက်၊ သူ၏တန်ခိုးတော်နှင့် မေတ္တာတော်ကို သုံးပြီး သူတို့ကိုကယ်တင်မည်၊ "သင်သည် ငါမြတ်နိုးရာ ဖြစ်သောကြောင့် အသရေရှိပြီ"ဟု မိန့်တော်မူသည်။…

အခြားသူတို့အတွက်

ကိုဗစ်-၁၉ ကမ္ဘာ့ကပ်ရောဂါဖြစ်ပွားစဉ်ကာလ၌ စင်ကာပူနိုင်ငံသားများသည် ရောဂါပိုးကူးစက် မခံရစေရန် အိမ်၌သာနေကြသည်။ သို့သော် ကျွန်တော်ကတော့ မည်သည့်အန္တရာယ်မှမရှိဟု မှတ်ယူကာ ပျော်ရွှင်စွာနှင့်ရေကူးမပျက်ခဲ့ပါ။ သို့သော် ကျွန်တော့်ဇနီးက ပြည်သူ့ရေကူးကန်မှတစ်ဆင့် ရောဂါပိုးပါလာပြီး ရောဂါကူးစက်လွယ်နိုင်သည့် သူ့မိခင်အိုအတွက် ပူပန်ခဲ့သည်။ "ကျွန်မအတွက် အချိန်ကာလတစ်ခု လောက်အထိ ရှင်ရေမကူးဘဲနေလို့မရဖူးလား" ဟု သူမတောင်းဆိုခဲ့သည်။

ပထမတွင် "ရေကူးတာ အန္တရာယ်မရှိပါဘူး"ဟု ကျွန်တော်စောဒကတက်လို သော်လည်း ရေကူးခြင်းထက် သူမခံစားချက်က ပိုအရေးပါကြောင်း ကျွန်တော်နားလည်ခဲ့သည်။ သူမကို မလိုအပ်ဘဲစိတ်ပူစေသဖြင့် မဖြစ်မနေလိုအပ်သောအရာ မဟုတ်သည့် ရေကူးခြင်းကို ကျွန်တော်အဘယ့်ကြောင့် ဖက်တွယ်နေရမည်နည်း။

ရောမသြဝါဒစာ အခန်းကြီး ၁၄ တွင် ခရစ်တော်၌ယုံကြည်သူတို့သည် သတ်မှတ်ထားသည့် အစားအသောက်များကိုသာ စားရမည်လား၊ သတ်မှတ်ထားသည့် ပွဲတော်များ၌သာ ပါဝင်ဆင်နွဲရမည်လားစသည့် ပြဿနာများကို ရှင်ပေါလု ဖော်ပြထားသည်။ လူအချို့က သူတို့၏အမြင်ကို အခြားသူများလက်ခံအောင် အတင်းအကြပ်လုပ်ဆောင်ခြင်းကြောင့် ရှင်ပေါလုစိတ်ပူပန်ခဲ့ရသည်။

ယေရှုကိုယုံကြည်သူတို့သည်…

သန့်ရှင်းသောဝိညာဉ်တော်ထံမှ မစမှု

တက္ကသိုလ်၌ တစ်ခါတစ်ရံ အတန်းဖော်များနှင့်ကျွန်ုပ် အတန်းလစ်လေ့ရှိသော်လည်း နှစ်ကုန်စာမေးပွဲမတိုင်မီ အပတ်၌ ပါမောက္ခခရစ်၏ အတန်းကိုဖြင့် လူတိုင်း အမြဲတက်ကြသည်။ ထိုအချိန်ကား သူထုတ်ထားသည့် စာမေးပွဲမေးခွန်းနှင့် စပ်လျဥ်း၍ မပျက်မကွက် အရိပ်အမြွက် ပြောပြလေ့ရှိသည့်အချိန်ဖြစ်ပါသည်။

ပါမောက္ခခရစ်က စိတ်ရင်းဖြင့် ကျွန်ုပ်တို့ကို အမှတ်ကောင်းကောင်း ရစေလို ခြင်းကြောင့်ဖြစ်မှန်း ကျွန်ုပ်မသိမီက အဘယ်ကြောင့် သူထိုသို့လုပ်ရသနည်းဟု စဉ်းစားမိသည်။ သူက အဆင့်မြင့်မြင့်သတ်မှတ်ထားသော်လည်း ကျွန်ုပ်တို့ အဆင့်မီစေရန် သူကူညီပေးသည်။ စာမေးပွဲအတွက် ကောင်းစွာ ပြင်ဆင်ထား နိုင်ရန် ကျွန်ုပ်တို့လုပ်‌‌ဆောင်ရမည့်အရာမှာ မပျက်မကွက် အတန်းတက်ပြီး နားထောင်ရန်သာဖြစ်သည်။

ဘုရားသခင်လည်း ထိုနည်းတူဖြစ်သည့်အတွက် ကျွန်ုပ်အံ့သြရသည်။ ဘုရားသခင်သည် သူ၏စံချိန်စံနှုန်းများကို အလျော့အတင်းလုပ်၍ မရပါ။ သို့သော် ကျွန်ုပ်တို့ သူနှင့်တူလာစေရန် နက်နက်နဲနဲဆန္ဒရှိသည့်အတွက် ထိုစံချိန် စံနှုန်းများ ပြည့်မီအောင် ကျွန်ုပ်တို့ကိုကူညီရန် ဘုရားရှင်က သန့်ရှင်းသော ဝိညာဉ်တော်ကို ပေးသနားခဲ့ပါသည်။

ယေရမိအနာဂတ္တိကျမ်း…

အသက်ရှူလေတိုင်း

တီအန်း သည် ကြွက်သားများကို အားနည်းစေသော အလိုအလျောက် ကိုယ်ခံစွမ်းအားနည်းသည့် ရှားပါးရောဂါကြောင့် သေလုနီးပါးဖြစ်ခဲ့ချိန်တွင် အသက် ရှူနိုင်ခြင်းသည် ဆုလာဘ်တစ်ပါးဖြစ်ကြောင်း သိနားလည်ခဲ့သည်။ စက္ကန့်ပိုင်းသာ ခြားပြီး စက်ဖြင့်အဆုတ်ထဲသို့လေကို စုပ်ထည့်ပေးရခြင်းက ကုထုံး၏ အနာကျင်ဆုံးအပိုင်းဖြစ်ပြီး တစ်ပတ်ကျော်မျှ ကုသမှုခံယူခဲ့ရသည်။

တီအန်းသည် အံ့သြဖွယ်ပြန်လည်ကျန်းမာလာပြီး ယခုတွင် ဘဝ၏ စိန်ခေါ်မှုများနှင့်ပတ်သက်၍ မငြီးတွားရန် သူ့ကိုယ်သူ သတိပေးသည်။ "အသက်ပြင်းပြင်း ရှူသွင်းလိုက်ပြီး ဘုရားသခင်ကို ကျေးဇူးတင်လိုက်တယ်"ဟု သူပြောပါသည်။

ကျွန်ုပ်တို့လိုအပ်သော (သို့) လိုချင်သောအရာများ၌သာ အာရုံစိုက်မိရန် လွယ်ကူပြီး၊ တစ်ခါတစ်ရံတွင် အငယ်ဆုံးသောအရာများက အကြီးမားဆုံး သော အံ့သြဖွယ်ရာများဖြစ်ကြောင်းကို မေ့လျော့တတ်ကြသည်။ ပရောဖက် ယေဇကျေလ၏ရူပါရုံတွင် (ယေဇ ၃၇:၁-၁၄) ဘုရားသခင်သည်သာလျှင် ခြောက်သွေ့သောအရိုးများကို အသက်သွင်းပေးနိုင်ကြောင်းကို သူ့အား ဖွင့်ပြခဲ့ သည်။ အကြောအသားအရေတို့ ပြန်တက်လာသော်လည်း "အသက်မရှိ သေး"ပါ (:၈)။ ဘုရားသခင်က…

စည်းချက်ညီညီမြည်နေသောနာရီ

အလုပ်သမားအဖွဲ့တစ်ဖွဲ့သည် ရေခဲနေသောကန်မှ ရေခဲများကိုခုတ်ဖြတ်၍ ရေခဲသိုလှောင်ခန်းထဲသို့ ထည့်သွင်းနေစဉ် သူတို့အထဲမှတစ်ဦးက ပြူတင်းပေါက်မရှိသည့်သို့လှောင်ရုံထဲတွင် သူ၏လက်ပတ်နာရီပျောက်သွားသည်ကို သိလိုက်သည်။ သူတို့ဝိုင်း၍ရှာဖွေကြသော်လည်း ရှာမတွေ့ကြဘဲ အချည်းနှီးသာဖြစ်သည်။

သူတို့သည် ရှာဖွေမှုကိုလက်လျော့လိုက်ပြီး အပြင်သို့ပြန်ထွက်သွားချိန်တွင် လူငယ်တစ်ဦးသည် သိုလှောင်ရုံထဲသို့ဝင်သွားသည်။ မကြာမီ သူသည် နာရီကိုင်ပြီး ပြန်ထွက်လာသည်။ မည်သို့ရှာတွေ့သနည်းဟုသူ့အား မေးမြန်းရာ “ကျွန်တော် ငြိမ်ငြိမ်လေးသွားထိုင်နေလိုက်တာပါ။ ခဏအကြာမှာ နာရီစည်းချက်သံ တစ်တောက်တစ်‌တောက်ကို ကြားလိုက်ရပါတယ်” ဟု သူပြန်ဖြေခဲ့သည်။

သမ္မာကျမ်းစာ၌လည်း ငြိမ်သက်စွာနေခြင်း၏တန်ဖိုးကိုအကြိမ်ပေါင်းများစွာဖော်ပြထားသည်။ ဖြည်းညင်းသောအသံနှင့် ဘုရားသခင်မိန့်မြွက်ခြင်းသည်လည်း အံ့သြစရာမဟုတ်ပါ (၃ ရာ ၁၉:၁၂)။ များမြှောင်လှသော အလုပ်များနှင့် ပြည့်နှက်နေသည့် လောကလူ့ဘဝထဲတွင် ကိုယ်တော်၏အသံကိုကြားရန် ခက်ခဲနိုင်သည်။ သို့သော် ပျားပန်းခတ်အလုပ်များကို ရပ်ပြီး၊ ဘုရားသခင်နှင့်၊ သမ္မာကျမ်းစာနှင့် ကျွန်ုပ်တို့ငြိမ်သက်စွာ အချိန်ယူမည်ဆိုပါက ကျွန်ုပ်တို့၏အတွေး၌ ကိုယ်တော်၏ ဖြည်းညင်းသောအသံကို ခံစားကြားရမည် ဖြစ်သည်။

ဆာလံ ၃၇:၁-၇ တွင်…